Пра кампанію

Загадам наркамата шляхоў зносін №553 Ц3 ад 23 жніўня 1944 года на базе былога паравознага ДЭПО веернага тыпу былі абсталяваны майстэрні для рамонту абсталявання паравозных ДЭПО і вырабу для іх запчастак.

Аднаўленне разбураных будынкаў, засваенне тэхналогіі рамонту абсталявання паравозных дэпо і выраб запасных частак.

Рэканструкцыя завода, увядзенне ў строй механічнага ўчастка, кацельні, трансфарматарнай падстанцыі, заводакіраўніцтва. Асваенне выпуску фрэз для абточвання колавых пар цеплавозаў, спецінструменту і запчастак.

Загадам Міністра шляхоў зносін ад 29 снежня 1962 № Г35835 дарожныя рамонтна-механічныя майстэрні ператвораны ў Гомельскі рамонтна-механічны завод. Засваенне выпуску пуцепад'ёмніка мадэлі ДГП-20Н, узнагароджанага сярэбраным медалём ВДНГ, пашырэнне наменклатуры капітальнага рамонту абсталявання.

Рэканструкцыя галоўнага корпуса механічнага ўчастка, увядзенне ў эксплуатацыю ўчастка па выпуску вырабаў з пластычных мас і электрарамонтнага ўчастка. Засваенне выпуску новай прадукцыі: аўтамабіля – майстэрні водазабеспячэння, цвердасплаўных чашавых пласцін, прыборы бяспекі сістэмы АЛСН, капітальнага рамонту электрычных машын пастаяннага і пераменнага току.

Выпуск новых відаў прадукцыі для аснашчэння лакаматыўных дэпо: стэндаў выпрабавання тыпу А1470, А1451, А1559, выпрабавальнай станцыі А1062, агрэгата зварачнага А1731. Удзел у міжнароднай выставе "Чыгуначны транспарт-1986", узнагароджанне Дыпломам стэнда для выпрабавання паліўных помп дызеляў А1470.

Рэканструкцыя завода: пабудаваны будынак інструментальнага ўчастка, інжынерны корпус. Здадзены ў эксплуатацыю дзевяціпавярховы жылы дом. Загадам Начальніка Беларускай чыгункі № 82-Н ад 20.08.1992 г. Гомельскі рамонтна-механічны завод перайменаваны ў Гомельскі электрамеханічны завод. Выпуск новай прадукцыі – дамкратаў пуцейскіх, укладышаў маторна-восевых падшыпнікаў на цеплавоз ЧМЭ-3, запчасткі з пластмас і гумавых сумесяў. Асвоены капітальны рамонт запавольнікаў КВ-3.

Укараненне рэсурсазберагальных тэхналогій пераплаву чорных і каляровых металаў, іонаплазменнага напылення ўмацавальных пакрыццяў на дэталі з металу, аднаўленне зношаных пакрыццяў. Засваенне і серыйны выпуск новай прадукцыі: машынкі мыйнай для цыстэрн, укладышаў маторна-восевых падшыпнікаў на цеплавозы розных серый, фрэз лакаматыўных для абточвання колавых пар цеплавозаў розных профіляў, башмакоў тармазных палегчаных, ахоўных клапанаў для цыстэрн. Укаранёны капітальны рамонт запавольнікаў горкавых тыпаў РНЗ-2, КНП-5, ВЗПГ, дамкратаў цеплавозных электрыфікаваных тыпу ТЭД-30и ТЭД-40, башмакоў тармазных горкавых.

Мадэрнізацыя нарыхтоўчай вытворчасці з укараненнем высокапрадукцыйнага абсталявання: тэрмічнай машыны газавай і плазменнай рэзкі, стужачнапільных аўтаматаў. Абнаўленне тэхналагічнага абсталявання на ўчастку па выпуску вырабаў з пластычных мас і гумавых сумесяў, такарных станкоў. Рэканструкцыя ліцейнага ўчастка з укараненнем тэхналогіі індукцыйнага пераплаву чорных і каляровых металаў. Камп'ютарызацыя аддзелаў і ўчасткаў завода з укараненнем новых праграмных прадуктаў. Выпуск новай прадукцыі: глыбінных зазямляльнікаў тарцавальніка бярвення гравітацыйнага, вібрарыхлільніка для ачысткі грузавых вагонаў, разгоншчыкаў рэек, дамкратаў гідраўлічных пуцейных грузападымальнасцю 10т і 12т, прылады змазвальнай для рэек, пульта кіравання цеплавозам ЧМЭ-3, запчастак больш як 500 найменняў. Асвоены выраб запавольнікаў вагонных універсальных тыпу ЗВУ розных выкананняў з колькасцю звёнаў ад 1 да 5, вышынёй ад нізу бруса да ўзроўню галоўкі рэйкі 600, 900 і 1130мм. Запавольнікі выпускаюцца па патэнце на карысную мадэль і вынаходніцтва, прайшлі сертыфікацыйныя выпрабаванні і атрымалі сертыфікат адпаведнасці. Выпушчана вопытная партыя катушак прыёмных цеплавозных АЛСН, праводзіцца іх капітальны рамонт. Серыйна выпускаюцца ізалявальныя дэталі з пластмас верхняй будовы пуці, гуматэхнічныя і гумаметалічныя вырабы. Праведзена мадэрнізацыя кацельні і ажыццёўлены рамонт будынкаў і збудаванняў завода. Завод удзельнічае ў міжнародных выставах, адзначаны Дыпломам 6-й Нацыянальнай выставы Рэспублікі Беларусь у Рэспубліцы Казахстан "БеларусьЭКСПА". У 2010 годзе прадпрыемства пераўтворана ў адкрытае акцыянернае таварыства "Гомельскі электрамеханічны завод". Па выніках працы за 2012 год завод быў прызнаны найлепшым сярод прадпрыемстваў г.Гомеля з колькасцю працоўных менш за 500 чалавек і ўзнагароджаны Дыпломам Гомельскага гарадскога выканаўчага камітэта і пераходным ганаровым вымпелам.